ჩემი მორიგი ჩანაწერი ”სილამაზის რეცეპტების” კატეგორიიდანაა. თუმცა ეს პრობლემა ჩემს შემთხვევაში უკვე მარტო სილამაზეს აღარ უკავშირდება, რაღაც უფრო სერიოზულში გადადის 
მოკლედ რა ხდება… მთელი ჩემი ცხოვრება მქონდა ძალიან ხშირი თმა და მე ამით ვამაყობდი რაღა თქმა უნდა, მთელი დღის განმავლობაში რამდენიმე ღერი თუ ჩამომავრადებოდა. ამა წლის 8 ივლისს გამიჩნდა თომა და ჰოი საოცრებავ… 3 თვის შემდეგ მე თვის ცვენა დამეწყოო, ნუღა იტყვი და უკვე 2 თვეა ასე გრძელდება. სხვა რა გზა დამრჩენოდა მოვიძიე ინფორმაცია, რის მეშვეობითაც შევიტყვე რომ ეს ძალიან ხშირი შემთხვევაა მშობიარობის და ოპერაციის შემდეგო, ცოტათი დავმშვიდდი რადგან საკეისრო მაქვს გაკეთებული და ჩემს შემთხვევაში ორივე ერთადაა, მშობიარობაც და ოპერაციაც. მაგრამ ასე გულხელდაკრეფილი ხომ არ ვიჯდებოდი? მე თუ მკითხავთ ყველაზე კარგი გამოსავალი დერმატოლოგთან ვიზიტია, თმის ღერის დანერგვა და ცვენის მიზეზის გარკვევა, მაგრამ სანამ ამას ვიზავდე მინდა ფრიად საინტერესო ცნობები მოგაწოდოთ ამ საკმაოდ ხშირ პრობლემაზე და მის აღმოფხვრაზე. გასწავლით ბევრნაირ მასკებს. დღეიდან ვაპირებ აქტიურად შევიზილო თმაში ეს რამე-რუმეები შედეგზე აუცილებლად გაცნობებთ.
თმის ცვენა ქალებში
მამაკაცებისგან განსხვავებით, ქალებში თმის ცვენა ლოკალური იშვიათად არის – თმის შესამჩნევი გაიშვიათება, როგორც წესი, თავის მთელ ზედაპირს მოიცავს. სუსტი სქესის წარმომადგენლებში თმის ცვენის მიზეზი ჯანმრთელობის მდგომარეობა და გარემოს მავნე ფაქტორთა ზემოქმედებაა (სტრესი, რადიაცია, ეკოლოგია, მკაცრი დიეტა, ამა თუ იმ პრეპარატის უკონტროლო მიღება და სხვა).
თმის ცვენა ხშირად პირდაპირ კავშირშია დიეტასთან. მშვენიერი სქესის წარმომადგენლებმა უნდა გაითვალისწინონ, რომ ცხიმოვანი ქსოვილი, რომელსაც ასე ინტენსიურად ებრძვიან, თანაც – მეტად არასწორი მეთოდებით, მხოლოდ “უშნო ქონი” კი არ არის, არამედ ჰორმონული ფუნქციის მქონე ორგანო. ქალბატონი, რომელიც სიმსუქნით არ გამოირჩევა და სხეულის მასის 10%-ს კარგავს, თავს ცილოვანი დეფიციტისა და მინერალური დისბალანსის საფრთხეში იგდებს. გახსოვდეთ: “ჰოლივუდურ გარეგნობას” შეიძლება ვერ მიაღწიოთ, მაგრამ თმის ცვენის გაძლიერებას, ფრჩხილების განშრევებასა და მტვრევას აუცილებლად მიიღებთ. ჩ, B5, B6, PP ვიტამინები, მინერალური ნივთიერებები და მიკროელემენტები (თუთია, რკინა, კალციუმი, მაგნიუმი, ფოსფორი და სხვა) თმის ძირების ჯანმრთელობისა და ღერების კვებისათვის აუცილებელია. ამ საკვები ნივთიერებების ნაკლებობა, გამოწვეული თამბაქოს წევით, ამა თუ იმ პრეპარატის მიღებით, დიეტით თუ სხვა მიზეზით, თმის ცვენას აძლიერებს. თმის გახანგრძლივებული ცვენის შემთხვევაში აუცილებლად უნდა ჩაიტაროთ თმის ღერების კომპლექსური მიკროსკოპიული ანალიზი ვიტამინომინერალურ ბალანსზე და ენდოკრინული გამოკვლევა.
თმის ცვენა ძლიერდება მშობიარობის შემდგომ პერიოდშიც. საქმე ის არის, რომ ორსულობისას თმა ინტენსიურად იზრდება და 10-15%-ით კიდეც ხშირდება, რადგანაც პლაცენტა დამატებით გამოყოფს ესტროგენებს – ქალის სასქესო ჰორმონებს, რომლებიც თმის ზრდისა და სიცოცხლის ციკლს ახანგრძლივებს. 9 თვის შემდეგ კი ეს “პლაცენტური დოპინგი” იწურება და მეძუძური დედა პრობლემის წინაშე დგება. თუმცა ამ მდგომარეობას დაავადებად ვერ განვიხილავთ. მშობიარობიდან 7-8 თვის განმავლობაში გაძლიერებული თმის ცვენა ფიზიოლოგიურია. მთავარია, ის ქრონიკულ პროცესში არ გადაიზარდოს. ამისთვის კი სათანადო ჰიგიენა და კვებაა აუცილებელი. თუ ორიოდე თვეში თმის ცვენა არ შენელდა, მიაკითხეთ სპეციალისტს, მანამდე კი არაფერია საგანგაშო.
ასე თუ ისე მოგაწოდეთ ზოგადი ცნობები თმის ცვენის შესახებ. აფთიაქებში იყიდება უამრავი საშუალება-შამპუნები, ბალზამები, კაფსულები, ჟელეები….თმის ცვენის საწინააღმდეგო, რომლებიც საკმაოდ მაღალი ფასები ღირს, მაგრამ მე როგორც გავიკითხე მათი დიდად კმაყოფილი არავინაა, რის შედეგადაც მივდივარ კვლავ საბოლოო დასკვანმდე რომ დერმატოლოგთან ვიზიტი ყველაზე კარგი გამოსავალია, ხოლო როცა მიზეზს დავადგენთ და მკურნალობას დავიწყებთ მერე დავიწყოთ ძვირადღირებული საშუალებების გამოყენება. მანამდე კი მინდა შემოგთავაზოთ მართლაც და ეფექტური ხალხური და ბებიების დროინდელი საშუალებები.
- აბუსალათინის ზეთში ( 100 მლ. ) ვურევთ 1 ამპულა ვიტამინ D -სს და ერთ ამპულა ვიტამინ A -ს.
3 დღე თმის ძირების მასაჟი ამ ნარევით და მესამე დღეს კვერცხის ნიღაბი და ჩამობანა.
- როგორც გავიგე ძალიან ძალიან ძალიან ეფექტური ყოფილა ნიორის წვენის შეზელა თმის ძირებში და ჩამობანა. იმას ვერ დაგპირდებით რომელიმე სუნამო თუ უშველის შემდეგ მაგრა…
- 1 წილი კონიაკი, 4 წილი ხახვის წვენი, 6 წილი ბირკავას ნახარში (სუფრის კოვზი ბალახი მოდუღებული ჩაის ჭიქა წყალზე) შეიზილეთ თავის კანში, შეიხვიეთ პირსახოცით 2 საათის განმავლობაში და ჩამოიბანეთ. პროცედურა გააკეთეთ კვირაში ერთხელ.
- თმის გასაჯანსაღებლად 1 სუფრის კოვზ ჭინჭრის დაქუცმაცებულ მშრალ ფოთლებს (აფთიაქში იყიდება) დაასხით 1 ჩაის ჭიქა მდუღარე წყალი და დააყენეთ 1 საათის განმავლობაში. გაცივებული ნაყენი გაწურეთ და თავის დაბანვის შემდეგ შეიძილეთ თავში კვირაში ერთი-ორჯერ.
- თმის ცვენას და მტვრევას შველის თავშავას, ვირისტერფას, პიტნის, გვირილის თანაბარი რაოდენობის ნარევი. 3 ს/კ ნაერთს დაასხით 1ჩ/ჭ მდუღარე წყალი, წამოადუღეთ. შეგრილდეს და გადაწურეთ, დაამატეთ თბილი წყალი და დაბანილ თავზე გადაივლეთ, შეიზილეთ თმის ძირებში.
აი ესაა. იმედია გამოგვადგება. ამის შემდეგ თმასთან დაკავშირებით სხვა მოვლის საშუალებებსაც დავწერ.
ბოლო პერიოში რატომღაც იმდენი გასავალი იყო ჩვენს პატარა ოჯახში, რომ ჩემი თავისთვის ვერ ვიცლიდი. ხოდა, გადავწყვიტე დავლაგდე და ჩამოვთვალო რა მინდა აპრილში რომ გავაკეთო. პირველ რიგში გადასაწყვეტი მაქვს გავაგრძელო აერობიკა, თუ გადავიდე იოგაზე ან ფიტნესზე. ვეღარ მომიფიქრებია. იოგა მინდა იმიტომ რომ აშკარად ტონუსში მოვა სხეული, ჯანმრთელობისთვისაც ძალიან კარგია, მითუმეტეს ჩემს ხერხემალს სასწრაფო დახმარება სჭირდება, რადგან ბავშვის ხელში ჭერის გამო საშინლად მტკივა. ფიტნესი კი იმიტომ მხიბლავს რომ პრესს მალე დავამუშავებ. ავირიე, მირჩიეთ რამე…
ძალიან არ მომწონს ეგ ამბავი.
